ఇసుక, మద్యం అక్రమ రవాణాకు అడ్డుకట్ట--- స్పెషల్‌ ఎన్‌ఫోర్స్‌ మెంట్‌ బ్యూరో (లిక్కర్‌ అండ్‌ శాండ్‌)ను రంగంలోకి


రాష్ట్రంలో ఇసుక, మద్యం అక్రమ రవాణాకు అడ్డుకట్ట వేసేందుకు జగన్ సర్కార్ కీలక నిర్ణయం తీసుకుంది. స్పెషల్‌ ఎన్‌ఫోర్స్‌ మెంట్‌ బ్యూరో (లిక్కర్‌ అండ్‌ శాండ్‌)ను రంగంలోకి దించింది. సరిహద్దుల నుంచి మద్యం
అక్రమంగా రవాణా కాకుండా.. రాష్ట్రంలో సారా రూపంలో మద్యం తయారీ.. ఇసుక అక్రమాలను నిరోధించడానికి బలోపేతమైన ఈ స్వతంత్ర వ్యవస్థ రానుంది. ఎక్సైజ్‌శాఖామంత్రి, సీఎస్, డీజీపీల సహా కీలక అధికారులు హాజరైన సమావేశంలో సీఎం ప్రత్యేక వ్యవస్థ ఉండాల్సిన అవసరాన్ని వివరించారు. ఆ వ్యవస్థ రూపురేఖలపై అధికారులకు దిశానిర్దేశం చేశారు. ప్రణాళికలు సిద్ధం చేయాలని ఆదేశించారు.
గత ప్రభుత్వంలో మద్య నియంత్రణ, ఎన్‌ఫోర్స్‌మెంట్‌ వంటి అంశాల్ని పూర్తిగా వదిలేశారని సీఎం గుర్తు చేశారు. పర్మిట్‌ రూమ్స్‌, బెల్టుషాపులతో ఎక్కడిపడితే అక్కడ మద్యాన్ని విక్రయించారని.. వైఎస్సార్‌సీపీ ప్రభుత్వం అధికారంలోకి వచ్చాక 20శాతం దుకాణాలను తగ్గించామన్నారు. మద్యపాన నిషేధంలో భాగంగా ధరలను పెంచామన్నారు. గ్రామాల్లో దాదాపు 43వేల బెల్టుషాపులను తొలగించామని.. 4500 పర్మిట్‌ రూమ్‌లను పూర్తిగా ఎత్తివేశామన్నారు. ఈ చర్యలతో మద్య నియంత్రణ విషయంలో కీలక అడుగులు ముందుకేశామన్నారు. మళ్లీ మద్యం ధరలను 75శాతం పెంచడమే కాకుండా.. మరో 13 శాతం దుకాణాలను తగ్గించడానికి నిర్ణయించామన్నారు. మొత్తం 33శాతం మద్యం దుకాణాలను తొలగించినట్టు అవుతుందన్నారు. రాబోయే రోజుల్లో మరిన్ని చర్యలు తీసుకుంటామన్నారు.

మద్యం ప్రభుత్వ ఉద్దేశాలను దెబ్బతీయడానికి చాలామంది ప్రయత్నాలు చేస్తారన్నారు సీఎం. ఎట్టిపరిస్థితుల్లోనూ మద్యం, ఇసుక అక్రమ రవాణా ఆగిపోవాలని తేల్చి చెప్పారు. ఏసీబీ, విజిలెన్స్‌ మరియు ఎన్‌ఫోర్స్‌ మెంట్, ఇంటెలిజెన్స్‌ ఎలా పనిచేస్తాయో... అదే తీరులో స్పెషల్‌ ఎన్‌ఫోర్స్‌ మెంట్‌ బ్యూరో (లిక్కర్‌ అండ్‌ శాండ్‌) పనిచేయాలన్నారు. మద్యం అక్రమ తయారీ, మద్యం, ఇసుక అక్రమ రవాణాలను అడ్డుకోవాల్సిందే అన్నారు. సీఎం ఆదేశాలతో అధికారులు స్వతంత్ర వ్యవస్థకు తుదిరూపు ఇచ్చారు.
మద్య నియంత్రణ దిశగా ప్రభుత్వం వేస్తున్న అడుగుల కారణంగా పొరుగు రాష్ట్రాలనుంచి అక్రమంగా మద్యం రవాణా చేయడానికి.. అలాగే అక్రమంగా మద్యాన్ని తయారు చేయడానికి అవకాశాలు ఉంటాయన్నారు సీఎం.

గతంలో ఎక్సైజ్‌ కమిషనర్‌ కింద డైరెక్టర్‌ ఆఫ్‌ ప్రొహిబిషన్‌ పోస్టు ఉండేది. తాజాగా ఎక్సైజ్‌ కమిషనర్‌ కింద ఉన్న డైరెక్టర్‌ ఆఫ్‌ ప్రొహిబిషన్‌ పోస్టు స్థానంలో స్వతంత్రంగా పనిచేసే కమిషనర్, స్పెషల్‌ ఎన్‌ఫోర్స్‌ మెంట్‌ బ్యూరో (లిక్కర్‌ అండ్‌ శాండ్‌) పోస్టు వస్తుంది. ఇది డీజీపీ పర్యవేక్షణలో ఉంటుంది. ఎక్సైజ్‌ విభాగంలో ఉన్న సిబ్బందిలో కొద్దిమంది ఎక్సైజ్‌ కమిషనర్‌ విభాగం కిందకు వస్తారు. ప్రభుత్వమే మద్యం దుకాణాలు నిర్వహిస్తున్నందున లైసెన్స్‌లు, స్టాకు, విక్రయాలు, ప్రొడక్షన్‌ లాంటి రోజువారీ పాలనా అంశాలను మాత్రమే ఎక్సైజ్‌ కమిషనర్‌ చూసుకుంటారు.

Post a comment

[blogger]

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget